Gunnar Guðmundsson hefur verið ráðinn aðstoðarþjálfari meistaraflokks karla í knattspyrnu í Grindavík.
Gunnar hefur þjálfað meistaraflokka HK, Selfoss og Gróttu og hefur einnig þjálfað landslið U-17 karla.
Srdjan Tufegdzic var ráðinn þjálfari liðsins á dögunum en mikið verk er að vinna í Grindavík.
Flestir af bestu mönnum liðsins hafa haldið annað eftir að Óli Stefán Flóventsson lét af störfum í haust.
„Gunnar er frábær viðbót inn í mjög öflugt þjálfarateymi hjá okkur og bjóðum við hann velkominn til Grindavíkur,“ segir Eiríkur Leifsson, framkvæmdastjóri knattspyrnudeildar Grindavíkur í tilkynningu.