Það eru engar líkur á því að Christian Pulisic, leikmaður Dortmund, sé á förum frá félaginu í janúarglugganum.

Enskir miðlar greina frá því að Pulisic sé á leið til Chelsea á næsta ári en liðið hefur mikinn áhuga á sóknarmanninum.

Michael Zorc, yfirmaður knattspyrnumála Dortmund, staðfestir það þó að Pulisic fari ekki í janúar.

,,Við höfum heyrt af þessum sögusögnum í mörg ár,“ sagði Zorc við þýska blaðið Kicker.

,,Við munum halda honum allavegana þar til í lok tímabils. Við þurfum enn mikið á honum að halda.“

Pulisic er 21 árs gamall Bandaríkjamaður og eru fjölmörg stórlið sem eru talin hafa áhuga.