Ágætis líkur eru á að enski framherjinn, Gary Martin muni ganga í raðir liðs á Íslandi á nýju ári. Morgunblaðið segir frá.
Gary er í herbúðum Lilleström í Noregi en hann lék með ÍA, KR og Víkngi R hér á landi.
Hann hefur í atvinnumennskunni spilað með Lokeren og Lilleström en hugurinn leitar aftur „heim“.
Hann er orðaður við Val, Stjörnuna og KA og gæti styrkt öll þessi lið.
„Ég er samningsbundinn Lilleström og á tvö ár eftir af samningi mínum við félagið. Það er hins vegar
möguleiki á því, að ég geti farið frítt frá félaginu, ef það kemur tilboð sem mér líst vel á,“ sagði Martin við Morgunblaðið.
,,Það hafa nokkur íslensk lið haft samband við umboðsmann minn en ef ég myndi snúa aftur til Íslands þá
myndi ég eflaust ekki koma aftur til landsins fyrr en næsta sumar. Ég er opinn fyrir því að snúa aftur en ég get nánast útilokað það að ég fari aftur í KR. Ég ræddi við Rúnar Kristinsson, þjálfari KR, fyrir nokkrum vikum og það er afar ólíklegt að ég endi í Vesturbænum en maður veit aldrei hvað gerist í þessum blessaða fótbolta,“ sagði Martin í samtali við Morgunblaðið