Everton, leikmaður Gremio í Brasilíu, ætlar að bíða þar til í lok tímabils áður en hann tekur ákvörðun varðandi framtíðina.
Þessi 22 ára gamli leikmaður er orðaður við Manchester United en hann hefur spilað 130 leiki fyrir Gremio.
Vængmaðurinn hefur nú tjáð sig um mögulegan áhuga United en er ekki að flýta sér að neinu.
,,Við heyrum allir sögusagnir á einhverjum tímapunkti, ekki satt?“ sagði Everton við SporTV.
,,Ég er að spila gríðarlega vel og við vitum hversu erfitt það er þegar lið frá Englandi koma og skoða leikmenn frá Brasilíu vegna gæða.“
,,Við sjáum hvað gerist í lok tímabils, við bíðum þar til það er búið og sjáum hvað er best fyrir mig og Gremio.“
