Arsene Wenger, fyrrum stjóri Arsenal, er alls ekki hrifinn af því hvert knattspyrnan virðist stefna.
Wenger var sjálfur vinsæll á samskiptamiðlum á síðustu árum sínum hjá Arsenal og voru margir sem kölluðu eftir því að hann yrði rekinn.
Wenger óttast þessi völd sem samskiptamiðlar hafa og óttast að einn daginn þá verði vélmenni á hliðarlínunni sem gefur þér skipanir.
,,Ég hef sagt það mörgum sinnum að það er hægt að ímynda sér stjórnarformann sem segir að samskiptamiðlar megi gera skiptingu í hálfleik,“ sagði Wenger.
,,Þetta mun hafa meiri og meiri áhrif. Þetta mun gerast. Ég myndi persónulega aldrei sætta mig við það. Ég er af gamla skólanum þegar kemur að því en það er leiðin sem við erum að fara.“
,,Ef þú ímyndar þér völdin sem samskiptamiðlar hafa. Það versta er að það er ekki meirhlutinn heldur minnihlutinn sem hefur þessar skoðanir.“
,,Þetta hentar mér ekki, ég ólst upp og notaði eigin augu. Það er hægt að ímynda sér að eftir 20 ár þá verður vélmenni sitjandi fyrir framan þig.“