Leigubílasögurnar eru daglegur liður hér á 433.is. Í þessum lið er farið yfir helsta slúðrið og sögusagnirnar úr fótboltanum, aðallega úr bresku pressunni.
Félagaskiptaglugginn hefur lokað en það er samt alltaf fullt af sögum enda hætta erlend blöð aldrei að grafa upp sögurnar sem fljúga.
Hér má sjá pakka dagsins.
Manchester United mun bjóða 60 milljónir punda í Jordan Pickford, markvörð Everton, ef David de Gea skrifar ekki undir nýjan samning. (Sun)
Manchester City hefur unnið kapphlaupið um Frankie de Jong, 21 árs gamlan miðjumann Ajax. (Mirror)
Liverpool mun ekki fá varnarmann Ajax, Matthis de Ligt en hann fer til Barcelona. (Mirror)
PSG, Arsenal og Tottenham hafa öll áhuga á Eric Bailly, varnarmanni Manchester United. (Mail)
United, City, Liverpool, Tottenham og Chelsea skoða öll Bruno Roberto, 18 ára gamlan leikmann Atletico Mineiro. (Mail)
Chelsea mun ekki stöðva miðjumanninn Ruben Loftus-Cheek ef hann vill komast annað. (Star)
Liverpool er tilbúið að selja miðjumanninn Fabinho til að fjármagna kaup á vængmanninum Christian Pulisic hjá Dortmund. (Mirror)