Varnarmaðurinn Marc McAusland mun yfirgefa lið Keflavíkur á næstunni samkvæmt öruggum heimildum 433.is
McAusland hefur undanfarin tvö ár leikið með Keflavík en liðið féll úr efstu deild í sumar.
McAusland er einnig fyrirliði liðsins en eins og aðrir stóð hann sig ekki vel í Pepsi-deildinni á liðnu tímabili.
Skotinn hefur fengið leyfi til að ræða við lið í efstu deild en hann ætlar að spila áfram hér á landi.
McAusland leitar sér því að liði í Pepsi-deildinni og verður fróðlegt að sjá hvað úr því verður.
