Tiemoue Bakayoko, leikmaður AC Milan, er alls ekki vinsælasti leikmaður liðsins þessa dagana.
Bakayoko er í láni hjá Milan frá Chelsea á Englandi en hann hefur ekki þótt standast væntingar á Ítalíu.
Stuðningsmenn Milan hafa baulað reglulega á Bakayoko í leikjum, eitthvað sem hefur áhrif á hann.
,,Mér líkar ekki við baulið sem ég fæ en ég skil þetta. Vonandi munu þeir klappa bráðlega,“ sagði Bakayoko.
,,Ég hef gert góða hluti en ég er aðeins að byrja. Ég vonast til að geta lagt mitt af mörkum og hjálpað Milan að komast í efstu fjögur sætin.“
,,Franck Kessie hefur hjálpað mér að aðlagast, sérstaklega varðandi tungumálið. Vonandi get ég talað ítölsku bráðum.“