Arsene Wenger, fyrrum stjóri Arsenal, er ekki hættur í boltanum og ætlar að taka að sér starf á næsta ári.

Wenger hefur verið án starfs síðan í sumar en hann var þá látinn fara frá Arsenal eftir 22 ár.

Frakkinn segist þó vera pirraður en hann saknar þess að keppa um hluti.

,Mér líður ekki eins og ég sé hættur en ég er pirraður á lítilli samkeppni,“ sagði Wenger.

,,Ég er keppnismaður en það er mikið sem ég sakna ekki eins og hlutir í kringum leikina sem þú þarft að takast á við.“

,,En auðvitað sakna ég dagsins, keppninnar og það sem þú getur afrekað með öðrum, tilfinningarnar sem fylgja, auðvitað sakna ég þess því lífið mitt hefur snúist um það.“