Marko Arnautovic, leikmaður West Ham á Englandi, reyndi að ná til ungra leikmanna liðsins í gær.
Arnautovic ræddi um mál sem er viðkvæmt í Bretlandi þessa stundina en fimm hafa látið lífið á aðeins viku eftir hnífstungu.
Arnautovic hvetur krakka til að halda sig frá þessu vopni og ræðir um eigin æsku þar sem hendurnar töluðu fyrir sig.
,,Þegar ég var yngri og það komu upp vandamál þá voru hnefarnir notaðir. Það var enginn með hníf á sér,“ sagði Arnautovic.
,,Þetta hefur breyst. Það eru margar mafíu myndir sem sýna það þú sért ‘harður gaur’ ef þú setur eitthvað í vasann en það er mjög hættulegt.“
,,Ég gaf þeim ráð um að halda sig frá því. Haldið ykkur nærri þeim sem þykir vænt um ykkur.“