Everton á Englandi má ekki fá til sín unga leikmenn næstu tvö árin eða leikmenn á aldrinum 10 til 18 ára.
Þetta var staðfest í gær en enska knattspyrnusambandið er að refsa félaginu fyrir atvik sem kom upp árið 2016.
Everton reyndi þá ólöglega að næla í efnilegan skólastrák frá Cardiff og ræddi á meðal annars við fjölskyldu leikmannsins.
Fjölskyldunni var lofað öllu fögru af Everton sem fór ekki löglegu leiðina með því að krækja í leikmanninn.
Everton var einnig sektað um 500 þúsund pund af knattspyrnusambandinu og hefur viðurkennt mistök sín.
Bannið gildir um leikmenn sem leika með liðum í annað hvort ensku úrvalsdeildinni eða Championship-deildinni.
Everton gaf út tilkynningu eftir niðurstöðuna og hefur staðfest að mistök hafi átt sér stað.