David Beckham, fyrrum leikmaður Manchester United, stendur að liði Inter Miami sem mun taka þátt í MLS deildinni í Bandaríkjunum árið 2020.

Inter Mimi ætlar sér stóra hluti undir Beckham en hann ætlar að reyna að lokka marga góða leikmenn til félagsins.

Antoine Griezmann er einn af þeim en hann hefur sjálfur staðfest að hann myndi íhuga að semja við Beckham og félaga.

Beckham er sjálfur mjög hrifinn af Griezmann sem hefur verið frábær fyrir Atletico Madrid á Spáni.

,,Það er alltaf gaman þegar góðir leikmenn vilji koma og spila fyrir okkur,“ sagði Beckham.

,,Hann er svo góður leikmaður og ég er aðdáandi hans. Hann er aðdáandi minn svo kannski einn daginn verður hann hér hjá okkur í Miami, það er það sem við viljum.“