Pierre-Emerick Aubameyang hefur verið valinn leikmaður mánaðarins í ensku úrvalsdeildinni.

Aubameyang fær þessi verðlaun fyrir frammistöðu sína í október en hann var einn allra besti leikmaður Arsenal.

Aubameyang kom til Arsenal í janúarglugganum í byrjun árs og hefur síðan þá verið iðinn við kolann.

Framherjinn skoraði alls fimm mörk í úrvalsdeildinni í október í aðeins þremur leikjum.

Eddie Howe var þá valinn stjóri mánaðarins en hans menn í Bournemouth eru að gera frábæra hluti.

Bournemouth situr í sjötta sæti deildarinnar eftir 11 umferðir og er á undan liðum á borð við Manchester United, Everton og Leicester.