Ný þáttaröð af Religion of Sports er að koma út en það er Direct TV sem framleiðir þættina í Bandaríkjunum. Vestmannaeyjar, Reykjanestá og 3. deildarlið KH er meðal þess sem bregður fyrir.

Annar þátturinn, sem er sýndur 28. nóvember, heitir Ingo the brave.

Þar er fjallað um Ingólf Sigurðsson, sem á sínum tíma var eitt allra mesta efni í íslenskum fótbolta.

Ingólfur fór ungur að árum í atvinnumennsku en hlutirnir gengu ekki upp, hann hefur á síðustu árum opnað á umræðuna um andleg vandamál sem hrjáðu hann. Þá hefur hann barist fyrir því að slíkt sé ekki feimnismál í íþróttum.

,,Ég var maður í verkefni, ég ætlaði að verða bestur í heimi,“ segir Ingólfur í stiklunni.

Faðir hans, Sigurður Konráðsson er einnig til viðtals. ,,Hann hafði eitthvað sérstakt,“ segir Sigurður en Ingólfur var ótrúlegt efni.

,,Eitthvað innra með mér fór að breytast, ég sá sjálfan mig sem vonbrigði.“

Stiklu úr þáttunum má sjá hér að neðan.