Ákvörðun Jose Mourinho að taka fyrirliðabandið af Paul Pogba fyrr á tímabilinu hefur engin áhrif á Frakkann.

Þetta segir Pogba sjálfur en hann var spurður út í þau áhrif sem ákvörðun Portúgalans höfðu.

Pogba pælir sjálfur ekkert í því hvort hann sé fyrirliði eða ekki og einbeitir sér bara að því að spila vel.

,,Þetta hefur engin áhrif á mig. Ég er ennþá að spila og það gerir mig ánægðan,“ sagði Pogba.

,,Stjórinn velur hver ber fyrirliðabandið. Ef hann tekur það burt þá breytir það engu fyrir mig.“

,,Ég vil bara fá að spila og standa mig og gera mitt besta fyrir liðið, stuðningsmennina og félagið. Þetta hafði engin áhrif á mig.“