Liverpool tapaði óvænt í Meistaradeild Evrópu í kvöld er liðið heimsótti Red Star í riðlakeppninni.

Þessi lið áttust við á Anfield í síðasta mánuði en þá hafði Liverpool betur örugglega með fjórum mörkum gegn engu.

Serbarnir hefndu fyrir tapið í kvöld og unnu að lokum 2-0 sigur sem kom ansi mörgum á óvart.

Liverpool hefur nú tapað þremur útileikjum í Meistaradeildinni í fyrsta sinn í sögunni.

Liverpool tapaði gegn Roma 4-2 á útivelli á síðustu leiktíð og tapaði svo 1-0 gegn Napoli á Ítalíu fyrr á þessu tímabili.

Tap kvöldsins var því þriðja tap Liverpool á útivelli í röð í deild þeirra bestu sem er áhyggjuefni fyrir þá rauðu.