Það fer fram stórleikur um næstu helgi er lið Manchester City og Manchester United eigast við.

Um er að ræða grannaslag af bestu gerð en leikurinn fer fram á Etihad vellinum, heimavelli City.

Búið er að staðfesta það að Anthony Taylor verði dómari í þeim leik en hann hefur verið einn öflugasti dómari úrvalsdeildarinnar síðustu ár.

Athygli vekur þó að Taylor er sjálfur fæddur í Manchester og hefur aldrei áður dæmt leik þessara liða.

Taylor hefur þó séð um að dæma leiki liðanna í gegnum tíðina en þó ekki þessa ákveðnu viðureign.

Taylor þykir vera dómari sem leyfir leiknum að ganga og hefur aðeins lyft rauða spjaldinu einu sinni í síðustu 27 leikjum sínum.