Leroy Sane, leikmaður Manchester City, hefur undanfarið verið orðaður við grannana í Manchester United.
Sane er sagður vera ósáttur í herbúðum City en hann hefur ekki fengið að byrja alla leiki á tímabilinu.
Sane var stórkostlegur fyrir City á síðustu leiktíð og var valinn besti ungi leikmaður ársins.
Sane var spurður út í möguleg skipti til United í dag en stuðningsmenn City þurfa ekki að hafa neinar áhyggjur.
,,Það mun ekki gerast! Það mun ekki gerast! Það mun aldrei gerast. Ég valdi rétta hlið í Manchester og er ánægður,“ sagði Sane.
Sane er enn aðeins 22 ára gamall og er samningsbundinn City til ársins 2021.
