Óttar Bjarni Guðmundsson hefur gert samning við lið ÍA en félagið staðfesti komu leikmannsins nú rétt í þessu.

Óttar er uppalinn Leiknismaður en hann spilaði með Stjörnunni í sumar og var hjá félaginu í tvö ár.

Varnarmaðurinn gerir tveggja ára samning við ÍA sem mun leika í Pepsi-deildinni næsta sumar.

Tilkynning ÍA:

Óttar Bjarni Guðmundsson var rétt í þessu að skrifa undir tveggja ára samning við Knattspyrnufélag Í.A. Óttar er fæddur árið 1990 og er uppalinn hjá Leikni Reykjavík. Hann kemur til Í.A. frá Stjörnunni en hann hefur verið þar frá árinu 2016.

Óttar spilar sem varnarmaður og er Jóhannes Karl, þjálfari meistaraflokks, mjög spenntur fyrir þeirri viðbót sem Óttar er í leikmannahóp Í.A. Jóhannes telur að Óttar eigi eftir að koma sterkur inn í þeirri baráttu sem framundan er í Pepsi deildinni næsta sumar, en hann er mjög reynslumikill leikmaður með yfir 200 leiki í meistaraflokk.

Við bjóðum Óttar velkomin til Í.A.!