Markvörðurinn öflugi Gunnar Nielsen hefur skrifað undir nýjan samning við lið FH í Pepsi-deildinni.
Þetta var staðfest nú rétt í þessu en Gunnar gerir samning við FH sem gildir til ársins 2020.
Færeyingurinn hefur varið mark FH síðustu ár en hann kom til félagsins eftir stutta dvöl hjá Stjörnunni.
Gunnar gaf það út eftir tímabilið í sumar að það væri óvíst hvort hann myndi krota undir nýjan samning.
Hann hefur nú náð samkomulagi við FH á ný og verður líklega aðalmarkvörður liðsins næsta sumar eins og síðustu ár.