Varnarmaðurinn Brynjar Ásgeir Guðmundsson hefur skrifað undir samning við FH í Pepsi-deild karla.
Þetta staðfesti félagið en Brynjar gerir tveggja ára samning og kemur til félagsins frá Grindavík.
Brynjar er að semja við FH aftur en hann er uppalnn hjá félaginu og á að baki fjölmarga leiki í Hafnafirði.
Brynjar ákvað að færa sig yfir til Grindavíkur í fyrra og lék 13 leiki í deild bæði síðasta sumar og í sumar.
Hann gat þó ekki haldið sig mikið lengur frá Kaplakrika og mun nú á ný leika fyrir uppeldisfélagið.