Ævar Ingi Jóhannesson hefur krotað undir nýjan samning við Stjörnuna í Pepsi-deild karla.
Þetta staðfesti félagið í dag en Ævar gerði nýjan tveggja ára samning og er samningsbundinn til ársins 2020.
Ævar Ingi er 23 ára gamall sóknar og miðjumaður en hann samdi við Stjörnuna fyrir tveimur árum.
Hann er uppalinn hjá KA á Akureyri og spilaði 76 leiki fyrir liðið og gerði 22 mörk. Hann á að baki einn landsleik fyrir Ísland.
Ævar spilaði alls 18 leiki fyrir Stjörnuna í sumar en hann kom 14 sinnum við sögu í deild og skoraði eitt mark.