Jose Mourinho, stjóri Manchester United, þurfti að labba á Old Trafford fyrir leik gegn Juventus í kvöld.
Liðsrúta United lenti aftur í veseni en liðið fékk ákæru síðast eftir leik gegn Valencia í riðlinum.
Leikmenn United mættu þá of seint í þann leik og ákvað UEFA að refsa félaginu fyrir að vera ekki á réttum tíma.
Það sama gerðist í kvöld og tók Mourinho upp á því að yfirgefa rútuna og labba um kílómeter til að komast á Old Trafford.
,,Ég labbaði í hettupeysu á meðal stuðningsmanna og enginn kannaðist við mig. Þetta tók mig tvær mínútur,“ sagði Mourinho nú rétt í þessu.
Umferðin var mikil en ferðin frá hótelinu hefði átt að taka um fimm mínútur. Í staðinn var rútan föst í traffík í yfir 40 mínútur.