Það er nánast ómögulegt að spila illa sem leikmaður Manchester City segir leikmaður liðsins, Ilkay Gundogan.
Gundogan segir að það sé mjög auðvelt að eiga góða leiki í liði City sem vann deildina örugglega á síðasta tímabili.
,,Ég vil ekki hljóma hrokafullur eða eitthvað, ég vil bara vera hreinskilinn,“ sagði Gundogan.
,,Í þessu liði sem við erum með þá er mjög erfitt að spila illa, fyrir þig sem leikmann.“
,,Við erum með leikkerfi og liðsfélagarnir eru svo nálægt þér á vellinum. Þú tekur þátt í svo mörgu jákvæðu.“
,,Það er erfitt og þegar Pep er að ýta þér áfram þá er nánast ómögulegt að eiga slæman leik. Þú getur átt slæma sendingu eða tæklingu en það þarf að gerast oft ef þú átt slæman leik.“