Romelu Lukaku, leikmaður Manchester United, viðurkennir að hlutirnir séu ekki alveg að ganga upp fyrir hann hjá félaginu í dag.

Lukaku byrjaði feril sinn hjá United vel en hefur aðeins tekist að skora fjögur mörk í 12 leikjum á tímabilinu.

Þrátt fyrir það skorar Lukaku reglulega með landsliði Belgíu þar sem hann hefur verið fastamaður í nokkur ár.

,,Ég veit ekki af hverju það er auðveldara að skora með Belgíu. Ég hef spilað þar síðan ég var 16 ára og leikmenn þekkja mig betur,“ sagði Lukaku.

,,Samvinnan hérna á milli mín og liðsfélaganna getur enn orðið mun betri. Við erum að vinna í því.“

,,Leikmennirnir þurfa að þekkja mig og þekkja mínar hreyfingar. Þegar það byrjar að klikka þá held ég að niðurstaðan verði sú sama og með Belgíu.“