Það gæti verið hættulegt að vera samningsbundinn Everton og segja að Liverpool sé líklegasta liðið til að vinna Meistaradeildina.

Það stöðvar þó ekki framherjann Nikola Vlasic sem er á mála hjá Everton en í láni hjá CSKA Moskvu.

Vlasic telur að Liverpool sé sigurstranglegast í deild þeirra bestu eftir að hafa komist í úrslit á síðasta tímabili.

,,Ég myndi segja Chelsea en þeir eru ekki að spila!“ sagði Vlasic er hann var spurður út í hver gæti unnið keppnina.

,,Ég myndi segja Liverpool, þeir komust í úrslitin á síðustu leiktíð og eru sterkari í dag. Svo Manchester City, Barcelona og Real Madrid.“

,,Það eru bara efstu fimm eða sex liðin sem eru þjálfuð af erlendum þjálfurum eins og Jurgen Klopp og Pep Guardiola sem spila frábæran bolta.“

,,Önnur lið hugsa aðallega um að verjast og að spila líkamlegan leik. Ég vil ekki spila þannig.“