Markvörðurinn Cristian Martinez hefur yfirgefið lið KA í Pepsi-deild karla samkvæmt heimildum 433.is
Martinez hefur undanfarið ár spilað með KA og tók þátt í 12 leikjum í efstu deild í sumar og tveimur í bikar.
Martinez hefur spilað á Íslandi í þrjú ár en hann kom fyrst til Víkings Ólafsvíkur árið 2015.
Þar stóð Martinez sig með prýði og var aðalmarkvörður liðsins í tvö tímabil í efstu deild áður en hann samdi við KA.
Samkvæmt heimildum 433.is hafa Martinez og KA náð samkomulagi um að rifta samningi leikmannsins.
Óvíst er því hvort hann verði áfram hér á landi en framtíð hans ætti að koma í ljós á næstunni.