Eden Hazard, leikmaður Chelsea á Englandi, gæti misst af næstu tveimur leikjum liðsins vegna meiðsla.
Enskir miðlar greina frá þessu í kvöld en Hazard er að glíma við bakmeiðsli eftir leik við Manchester United í gær.
Hazard spilaði allar 90 mínúturnar í 2-2 jafntefli í gær en vaknaði tæpur í morgun og fann til í bakinu.
Talað er um að Belginn muni missa af tveimur leikjum gegn Bate Borisov á fimmtudag og svo Burnley þremur dögum síðar.
Það er áfall fyrir Chelsea en Hazard hefur verið besti leikmaður liðsins á þessu tímabili.