West Ham United á Englandi varð fyrir áfalli í gær er liðið tapaði 1-0 fyrir Tottenham á London Stadium.
Vængmaðurinn Andriy Yarmolenko byrjaði leikinn en hann þurfti að fara meiddur af velli.
Samkvæmt enskum miðlum reif Yarmolenko hásin og verður frá í langan tíma vegna þess.
Talað er um að Úkraínumaðurinn muni ekki spila næstu sex mánuðina sem er gríðarlegt áfall fyrir félagið.
Þessi 28 ára gamli leikmaður mun fara í aðgerð í vikunni en hann hefur staðið sig með prýði eftir að hafa samið við liðið í sumar.
Yarmolenko kostaði 22 milljónir punda en hann kom til West Ham frá Borussia Dortmund.