Everton 2-0 Crystal Palace
1-0 Dominic Calvert-Lewin(87′)
2-0 Cenk Tosun(89′)
Gylfi Þór Sigurðsson lék allan leikinn fyrir Everton í dag sem mætti Crystal Palace í ensku úrvalsdeildinni.
Staðan var markalaus eftir fyrri hálfleikinn en snemma í þeim síðari dró til tíðinda er Palace fékk vítaspyrnu.
Luka Milivojevic er yfirleitt mjög öruggur á punktinum en honum tókst ekki að koma knettinum í netið í þetta sinn.
Everton nýtti sér það undir lok leiksins og skoraði tvö mörk. Dominic Calvert-Lewin skoraði fyrra mark liðsins og Cenk Tosun það seinna.
Everton er nú í áttunda sæti deildarinnar og hefur unnið þrjá leiki í röð.