Gonzalo Higuain, framherji AC Milan, þarf að gera meira í stórleikjum, þetta segir fyrrum leikmaður Inter, Marco Materazzi.
Higuain hefur lengi verið talinn einn besti framherji Evrópu en hann var lánaður frá Juventus til Milan í sumar.
Materazzi ber Higuain saman við Andriy Shevchenko, fyrrum framherja Milan og segir að það sé mikill munur á leikmönnunum.
,,Andriy Shevchenko skilaði meiru en Gonzalo Higuain því hann brást liðinu aldrei í stórleikjum,“ sagði Materazzi.
,,Það gæti verið að Higuain sé fullkomnasti framherji deildarinnar en hann hefur lítil áhrif í stórleikjum.“