Bruce Grobbelaar, fyrrum markvörður Liverpool, er reiður út í Jurgen Klopp, núverandi stjóra liðsins.
Grobbelaar ræðir markvörðinn Loris Karius sem gerði tvö slæm mistök í úrslitum Meistaradeildarinnar í maí.
Eftir mistökin missti Klopp alla trú á Karius og ákvað að lokum að senda hann til Tyrklands.
,,Það leiðinlega fyrir hann er að hann gerði tvö mistök í stærsta leik fótboltans eftir að hafa gert ein mistök í 33 leikjum á undan,“ sagði Grobbelaar.
,,Ég tel ekki að hann hafi fengið rétta meðhöndlun eftir það sem átti sér stað í Úkraínu.“
,,Þegar hann þurfti á stuðningi fólks að halda þá var enginn þarna fyrir hann.“
,,Sem fyrrum markmaður og nú þjálfari, það fyrsta sem þú þarft að gera eftir að markvörður gerir mistök eins og Karius gerði er að sýna honum stuðning.“
,,Ég hef horft á seinna mark Gareth Bale margoft og það lítur út fyrir að Karius hafi bara tekið augun af boltanum.“
,,Það voru eðlileg mistök. Þú eyðileggur ekki markvörð vegna þess. Þú segir honum að hann sé sá besti og þú vinnur í þessu á æfingasvæðinu.“
,,Augljóslega þá er það ekki það sem Jurgen Klopp gerði því Karius spilar í dag fyrir Besiktas. Fjórða besta lið Tyrklands.“