Roma 0-2 Spal
0-1 Andrea Petagna
0-2 Kevin Bonifazi
Lið Roma á Ítalíu tapaði sínum þriðja deildarleik í dag er liðið mætti Spal í ítölsku úrvalsdeildinni.
Roma var fyrir leikinn talið mun sigurstranglegra liðið en leikurinn fór fram á Stadio Olimpico, heimavelli liðsins.
Roma var sterkari aðilinn í leiknum og átti alls 13 marktilraunir gegn aðeins fimm hjá gestunum.
Eins og flestir vita þá telur það ekki alltaf og hafði Spal betur að lokum með tveimur mörkum gegn engu.
Andrea Petagna kom Spal yfir undir lok fyrri hálfleiks úr vítaspyrnu áður en Kevin Bonifazi bætti við öðru í síðari hálfleik og óvæntur sigur Spal staðreynd.