Maurizio Sarri, stjóri Chelsea, hefur tjáð sig um dramatíkina sem kom upp á Stamford Bridge í dag er lið hans gerði 2-2 jafntefli við Manchester United.
Einn af aðstoðarmönnum Sarri ákvað að fagna jöfnunarmarki Chelsea fyrir framan Jose Mourinho í dag og brást Portúgalinn illa við.
Sarri blandaði sér sjálfur ekki í málið en hann er ekki alveg klár á því hvað átti sér stað.
,,Ég veit ekki hvað gerðist nákvæmlega. Ég sá bara varamannabekkinn standa upp og það var slegist og rifist,“ sagði Sarri.
,,Þetta eru tilfinningar. Ég sá ekki allt sem gerðist en það hélt áfram á vellinum. Þetta er í lagi, í lok dags tökumst við í hendur.“
,,Leikurinn var enn í gangi. Þetta voru tilfinningar en það er komin ró á hlutina og allir geta farið heim.“