Pep Guardiola, stjóri Manchester City, viðurkennir að hann hafi mögulega gert mistök með að losa sig við markvörðinn Joe Hart.
Hart var látinn fara frá City eftir komu Guardiola og leikur í dag með Burnley þar sem hann hefur staðið sig vel. Hann mætir sínum fyrrum félögum í dag.
,,Ég veit hversu erfitt þetta var fyrir stuðningsmennina. Hann var frábær markvörður og náði í ótrúleg úrslit á meðan hann var hér,“ sagði Guardiola.
,,Það er ástæðan fyrir því að þetta var alls ekki auðvelt fyrir might. Það eru ekki allar ákvarðanir réttar sem ég tek.“
,,Ég hef tekið góðar ákvarðanir og mjög slæmar ákvarðanir en þú verður stundum að taka þær.“
,,Stundum horfi ég til baka og sé hluti sem ég sé eftir. Þannig er það, það gerist.“