Jose Mourinho, stjóri Manchester United, væri til í að fá Eden Hazard, leikmann Chelsea, til félagsins ef það væri möguleiki.

Mourinho og Hazard unnu saman hjá Chelsea á sínum tíma áður en sá fyrrnefndi var látinn fá sparkið.

Þeir mætast svo á morgun er United heimsækir Chelsea í hádegisleik ensku úrvalsdeildarinnar.

,,Ég myndi elska það að hafa hann hjá Manchester United en ég efast um að Chelsea selji hann til okkar svo það er ekki vandamál,“ sagði Mourinho.

,,Sagan segir það að Eden Hazard sé besti leikmaður úrvalsdeildarinnar. Lið Chelsea er sigurvegari.“

,,Þeir unnu þegar ég var þar og líka undir stjórn Antonio Conte. Auðvitað er þetta byrjun tíambilsins en hann er besti leikmaður úrvalsdeildarinnar hingað til.“

,,Chelsea er á toppnum þessa stundina því hann er leikmaður sem getur gert gæfumuninn.“