ÍA hefur fengið liðsstyrk fyrir komandi átök í Pepsi deildinni næsta sumar. Gonzalo Zamorano, sem lék lykilhlutverk fyrir Víking Ólafsvík í Inkasso deildinni síðastliðið sumar, skrifar undir tveggja ára samning.

ÍA verður þriðja félag Gonzalo á Íslandi, en auk þess að hafa gert 10 mörk í Inkasso deild með Víking Ólafsvík raðaði hann inn mörkum fyrir Huginn í 2. deildinni.

Gonzalo, sem fæddur 11.júní 1995 í Madríd á Spáni, segist gríðarlega spenntur fyrir því að sanna sig í Pepsi deildinni.

,,Ég er glaður með að skrifa undir fyrsta samning minn við ÍA, ég get ekki beðið eftir nýju tímabili og áskorunum,“ sagði Zamorano.