Marcelo Bielsa, stjóri Leeds Unites á Englandi, hefur ákveðið að hjálpa sínu fyrrum félagi, Newell’s Old Boys.

Bielsa byrjaði bæði leikmannaferil sinn og þjálfaraferil sinn hjá liðinu sem leikur í efstu deild í Argentínu.

Bielsa ákvað að rétta fram hjálparhönd en félagið hefur nú byggt nýtt æfingasvæði sem opnar í næsta mánuði.

,,Þetta er félagið sem gerði mig að þeim manni sem ég er í dag. Ég fæ meira en það sem ég gaf þeim. Ég er að borga mínar skuldir, ekki að gefa þeim gjöf,“ sagði Bielsa.

Bielsa spilaði á sínum tíma 25 leiki fyrir Old Boys en leikmannaferill hans var mjög stuttur.

Hann þjálfaði þá liðið í tvö ár frá 1990 til 1992 áður en hann tók við liðum á borð við Espanyol, argentínska landsliðinu, Athletic Bilbao, Marseille og Lazio.

Upphæðin er ansi há en Bielsa á að hafa látið félagið fá 1,9 milljónir punda.