Hörður Björgvin Magnússon, leikmaður íslenska landsliðsins, var súr á svip eftir 2-1 tap gegn Sviss í kvöld.
Hörður segir að liðið hafi átt meira skilið í kvöld og settu okkar menn góða pressu á Sviss undir lokin.
,,Þetta er svekkjandi, að hafa ekki skorað fleiri mörk á síðustu 10. Við komum öflugir inn í seinni og sköpuðum líka einhver færi í fyrri,“ sagði Hörður.
,,Við erum stoltir af því að ná að koma til baka en áttum skilið að fá allavegana stig.“
,,Það hjálpar mikið að fá mark frá Alfreð og það gefur okkur auka búst að ná öðru en við vorum óheppnir að ná ekki að skora tvö í viðbót.“
,,Ég get sagt það sjálfur, góð sending og góður skalli, ég reyni að fara upp í hann en hann gerir vel. Auðvitað getur maður alltaf gert betur. Auðvitað tek ég þetta á bakið á mér,“ sagði Hörður svo um fyrra mark Sviss en hann var þá að verjast fyrirgjöf frá vinstri.