Leigubílasögurnar eru daglegur liður hér á 433.is. Í þessum lið er farið yfir helsta slúðrið og sögusagnirnar úr fótboltanum, aðallega úr bresku pressunni.
Félagaskiptaglugginn hefur lokað en það er samt alltaf fullt af sögum enda hætta erlend blöð aldrei að grafa upp sögurnar sem fljúga.
Hér má sjá pakka dagsins.
Manchester City var tilbúið að þrefalda laun Lionel Messi ef hann myndi semja við félagið en hann hafði ekki áhuga. (Mundo Deportivo)
Real Madrid ætlar að fá nýjan miðvörð fyrir næsta tímabil en það er í fyrirrúmi hjá félaginu. (Mundo Deportivo)
Borussia Dortmund í Þýskalandi vill fá hinn 18 ára gamla Phil Foden frá Manchester City. (Mail)
Juventus mun aðeins reyna við Aaron Ramsey, leikmann Arsenal, ef félaginu tekst ekki að fá Adrien Rabiot frá PSG. (Express)
Arsenal hefur þá áhuga á tveimur af efnilegustu leikmönnum Evrópu, þeim Ismaila Sarr hjá Rennes og Kai Havertz hjá Bayer Leverkusen. (Mirror)
Manchester United er talið hafa boðið 60 milljónir evra í Nikola Milenkovic, 21 árs gamlan miðvörð Fiorentina. (La Nazione)
Chelsea, Tottenham og Liverpool þurfa að borga 53 milljónir punda fyrir Krzysztof Piatek, 23 ára framherja Genoa. (Football London)
