Sergej Milinkovic-Savic, leikmaður Lazio og Serbíu, tekur vel í það ef Jose Mourinho hafi fylgst með sér í gær.
Mourinho sá leik Serbíu og Montenegro og var talað um að hann hafi viljað sjá þennan 23 ára gamla leikmann spila.
Milinkovic-Savic tekur vel í þær fréttir ef þær reynast sannar en hann hefur þó sjálfur nýlega krotað undir nýjan samning.
,,Ég er leikmaður Lazio en augljóslega þá er ég ánægður með að þjálfari í hans gæðaflokki hafi komið og séð leikinn,“ sagði Milinkovic-Savic.
,,Ef hann var ósáttur með byrjunarliðið í gær þá er það kannski ekki vegna mín.“
,,Kannski var hann ekki hér til að horfa á mig heldur einhvern annan. Ég hef þó lesið það að hann hafi verið hér til að sjá mig en það þýðir ekki neitt.“
