A landslið karla mætir Frakklandi á fimmtudag ytra og hefst leikurinn klukkan 19:00 að íslenskum tíma. Hann fer fram í Guingamp og er liður í undirbúningi liðsins fyrir leikinn gegn Sviss í Þjóðadeild UEFA á mánudaginn.
Liðið hefur verið við æfingar í Saint-Brieuc frá því á mánudaginn og stemningin í hópnum góð.
Leikurinn verður sýndur í beinni útsendingu á Stöð 2 Sport.
Síðast þegar þessi lið mættust unnu Frakkar 5-2 sigur í átta liða úrslitum á EM í Frakklandi.
Leikurnn fór fram í París en Ísland var þá á sínu fyrsta stórmóti.