Michael Ballack, fyrrum leikmaður Chelsea, er hissa á að Joachim Low hafi ekki verið rekinn frá Þýskalandi eftir HM í sumar.

Þýskaland spilaði hörmulega á HM í Rússlandi en liðinu tókst ekki að komast úr riðlakeppninni eftir að hafa sigrað mótið árið 2014.

Búist var við að Low myndi fá sparkið eftir mótið en hann er þó enn við stjórnvölin.

,,Ég var eins hissa og aðrir voru að hann hafi haldið starfinu eftir þetta,“ sagði Ballack.

,,Hann hefur unnið lengi með þessu liði og það væri hægt að segja að hlutirnir væru ekki að ganga þegar þú hefur verið svo lengi í sama starfinu.“

,,Ég óska þess að Low endi ferilinn þarna á toppnum því þegar þú ert með hæfileikaríka leikmenn þá talarðu ekki um annað sem var staðan fyrir HM.“