Carlos Tevez, fyrrum leikmaður Manchester United og Juventus, er langt frá því að vera mikill fótboltaaðdándi.
Tevez er þessa stundina að spila með Boca Juniors í heimalandinu, Argentínu en hann hefur átt ansi farsælan feril.
Tevez greindi frá því í dag að hann myndi frekar horfa á golf en stórleik Barcelona og Real Madrid í spænsku úrvalsdeildinni.
Tevez finnst gaman að spila leikinn en gerir mjög lítið af því að horfa á íþróttina í sjónvarpinu.
,,Ég horfi aldrei á fótbolta, mér finnst það ekki gaman. Ef Barcelona – Real Madrid er í gangi þá skipti ég um stöð og horfi á golf,“ sagði Tevez.
,,Ég var aldrei heltekinn af fótbolta. Það sem mér fannst gaman var að vera með boltann á milli lappanna.“
