Eden Hazard, leikmaður Chelsea á Englandi, hefur staðfest það að hann sé ekki á förum frá félaginu í janúar.
Hazard er sagður vera á óskalista Real Madrid á Spáni en félagið gæti reynt við leikmanninn í janúar.
Hazard er að æfa með belgíska landsliðinu þessa stundina og var spurður út í eigin framtíð í dag.
,,Nei,“ sagði Hazard við blaðamenn í dag er hann var spurður út í það hvort hann myndi fara til Real í janúar.
Hazard staðfesti það einnig að hann gæti farið til Spánar til að eiga möguleika á að vinna Ballon d’Or verðlaunin einn daginn.
,,Já það er kannski ástæðan fyrir því að ég vilji fara þangað,“ sagði Hazard.
Belginn mun því allavegana klára tímabilið með Chelsea en óvíst er svo með framhaldið.
Hann hefur sjálfur viðurkennt það að hann vilji spila fyrir Real og er það draumurinn að spila á Spáni.