Elseid Hysaj, bakvörður Napoli, hefði farið til Chelsea í sumar ef forseti Napoli, Aurelio De Laurentiis hefði ekki komið í veg fyrir skiptin.
De Laurentiis passaði það að missa ekki fleiri leikmenn til Chelsea en stjóri liðsins á síðustu leiktíð, Maurizio Sarri fór þangað.
De Laurentiis leyfði Sarri á endanum að fara með því skilyrði að hann myndi bara taka einn leikmann með sér. Sá leikmaður var miðjumaðurinn Jorginho.
Hysaj hefur sjálfur verið gagnrýndur í undanförnum leikjum en hann var mjög öflugur á síðustu leiktíð.
,,Þeir sem eru að gagnrýna hann hafa örugglega aldrei gert mistök en við erum mannlegir,“ sagði umboðsmaður Hysaj.
,,Ef þessi klásúla hefði ekki verið til staðar þá hefði hann örugglega farið til Chelsea í sumar.“
,,Fólk gleymir því að hann var einn af þremur bestu bakvörðum Evrópu á síðustu leiktíð. Svo er hann allt í einu asni eftir tvo eða þrjá leiki.“