Samkvæmt fregnum dagsins hefur Jose Mourinho, stjóri Manchester United, áhuga á að fá Zlatan Ibrahimovic aftur til félagsins.
ESPN er á meðal þeirra sem greina frá þessu en Zlatan yfirgaf United á síðasta ári og samdi við LA Galaxy.
Zlatan var duglegur að skora mörk á Englandi fyrir það og hefur skorað 21 mark í 25 leikjum í MLS deildinni.
Mourinho vill fá Zlatan til að semja í janúarglugganum og klára tímabilið með félaginu en MLS deildin verður þá búin.
Samband Mourinho og Zlatan er virkilega gott en þeir unnu einnig saman hjá Inter Milan á sínum tíma.