Matteo Guendouzi, leikmaður Arsenal, segir að Unai Emery, stjóri liðsins, sé öðruvísi en flestir aðrir í bransanum.
Guendouzi var keyptur til Arsenal frá Lorient í sumar og hefur fengið reglulega að spila aðeins 19 ára gamall.
Frakkinn er þakklátur Emery fyrir tækifærin og segir að fáir myndu þora að nota svo ungan leikmann strax í byrjun.
,,Hann hefur sýnt mér ótrúlega mikið traust alveg síðan ég kom hingað,“ sagði Guendouzi.
,,Það eru ekki allir þjálfara sem myndu henda 19 ára gömlum strák út í djúpu laugina og þá sérstaklega hjá Arsenal.“
,,Ég er mjög þakklátur fyrir það. Hann lætur mig vinna mikið og hefur hjálpað mér að bæta mig mikið síðan ég kom.“
,,Ég fann fyrir því á fyrstu æfingunum og á fyrstu vikum og mánuðunum.“