Aston Vila hefur sett sig í samband við Rui Faria, fyrrum aðstoðarþjálfara Jose Mourinho til margra ára.

Faria ákvað að hætta sem aðstoðarmaður Mourinho í sumar og vill sjálfur fara að stýra liði.

Faria hafði staðið við hlið Mourinho í mörg ár en nú er hann efstur á blaði Aston Villa. Thierry Henry hefur afþakkað starfið.

Faria hefur góða tengingu til Íslands en hann var stærsta ástæða þess að Fram fékk Pedo Hipólito til landsins. Pedro er í dag þjálfari ÍBV:

„Við væntum mikils af Hipólito, enda fær hann afar góð meðmæli, til dæmis frá Rui Faria, aðstoðarþjálfara José Mourinho hjá Manchester United, sem sagði við okkur að hann væri einn efnilegasti þjálfari Portúgals og miklar vonir væru bundnar við hann. Það verður því spennandi að sjá handbragð hans á afar efnilegu liði Fram,“ sagði í yfirlýsingu Fram.

Sagt er að Faria sé í viðræðum þessa stundina og að John Terry verði aðstoðarmaður hans.