Marcos Alonso, leikmaður Chelsea, hefur staðfest það að hann sé að skrifa undir nýjan samning við félagið.
Alonso kom til Chelsea árið 2016 og hefur verið fastamaður síðan þá í vinstri bakverðinum.
Alonso á enn tvö ár eftir af samningi sínum en mun skrifa undir framlengingu á næstu dögum.
,,Ég er mjög rólegur og ánægður hjá Chelsea og félagið hlýtur að vera ánægt með mig því þó ég eigi tvö ár eftir af samningnum þá buðu þeir mér framlengingu,“ sagði Alonso.
,,Við erum að tala um þetta og erum komnir langt. Ef allt fer vel þá held ég muni skrifa undir fyrir lok mánaðarins eða á næstu dögum.“